Zer dira maiztasun-inhibitzaileak?

Maiztasun-inhibitzaileak komunikazioetan interferentziak sortzen dituzten gailuak dira. Europar Batasunean debekatuta dauden arren, lapurretetan asko erabiltzen dira segurtasun-sistemako gailuen eta alarma hartzeko zentralaren arteko komunikazioa oztopatzeko, eta, hala, Ertzaintzari abisurik ez iristeko.

Gure alarma-sistemak sabotajeen kontra, inhibitzaileen kontra eta bidegabe sartzeko era guztietako saioen kontra balio du. Oso garrantzitsua da gailuak horman ongi ainguratuta egotea; hala, manipulatzeko saiakerak detektatuko dituzte, eta, alarmak hartzeko zentraletik hala dela berresten badute, berehala abisatuko diote Ertzaintzari, alarma aktibatu ez baduzu ere.

Euskaltel Alarmak zerbitzuak inhibitzaileen aurkako babesa eskaintzen du. Kontrol-panelak maiztasunak inhibitzeko saiakerak detektatzen ditu, eta berehala ematen dio abisua alarmak hartzen dituen zentralari, erantzun-protokoloa aktibatzeko. Gainera, bi komunikazio-bide ditu (mugikorra eta IPa), eta, beraz, bi bideetako edozeinetatik bermatuta izango duzu konexioa.